「伊麵王」為公仔旗下廉價杯麵，現時已經停產及停售，最後發售記錄於約2020年。曾經喺惠康、百佳等各大超市都有得賣㗎。後來，百佳、惠康兩大超市相繼停售伊麵王。
伊麵王喺2016年7月推出新版本，為各款味道額外添加一包牛油味湯粉或辣椒油，截至約2020年至2021年停產都係發售此版本，包括以下味道：
海鮮味 （附加牛油味湯粉）
香濃紅燒牛肉味（附加辣椒油）
巴辣黑椒雞肉味（附加辣椒油）
香甜粟米湯味（附加牛油味湯粉）
雖然兩大超市已經冇再發售「伊麵王」，但當時產品仍然喺 AEON，及較平民嘅佳寶、家興超級市場有發售。AEON嘅正價係$4，海鮮味 、香濃紅燒牛肉味更係週三特價日優惠產品，逢星期三只售$3。而佳寶則以約$3.6-$4.2售價發售，家興則約為$3.9。
不過，喺2021年，「伊麵王」就突然斷貨及停售。現時全港已經冇地方有發售「伊麵王」。翻查紀錄，本網曾於2020年10月28日於 AEON Supermarket藍田店 拍攝以下圖片，當時仍有「伊麵王」發售。
另一圖片則於2021年4月於佳寶拍攝，當時同樣仍有「伊麵王」發售。
而以產品Barcode條碼（例如 4892333100801 紅燒牛肉味）及AEON Mobile手機App掃描，AEON收銀機系統於2022年8月25日仍然能夠顯示產品名稱及價錢。不過相信可能係系統仍未刪除相關資料，現場視察所見，現時AEON已經冇發售「伊麵王」。
AEON Mobile 手機App 截圖
惠康曾經發售伊麵王 (來源於惠康Facebook)
伊麵王曾經有七味辣菜味（蘋果日報 2005年）